تهران _15 آڪٽوبر (اي پي پي) ايران چيو آهي ته في الحال آمريڪا سان ڳالهين جو ڪو امڪان موجود ناهي. پرڏيهي ميڊيا مطابق ايران جي پرڏيهي وزير عباس عراقچي اومان جي گادي واري شهر مسقط ۾ ميڊيا سان ڳالهائيندي چيو ته وچ اوڀر ۾ بدترين ڇڪتاڻ جي موجوده صورتحال کي ڏسندي في الحال اهڙو ڪو ماحول نظر نٿو اچي ته آمريڪا سان اومان جي مدد وسيلي ڪو رابطو يا ڳالهيون ڪري سگهجن ٿيون . هن وڌيڪ چيو ته خطي ۾ جيڪا صورتحال پيدا ٿي چڪي آهي ان ۾ هاڻي ائين ممڪن ناهي رهيو.