بیجنگ ۔13اپریل (اے پی پی):پاکستان اچ تھیوݨ آلی سیاسی تبدیلی توں ݙو طرفہ اقتصادی تے تجارتی تعاون متاثر نہ تھیسی ،پاکستان اچ سیاسی تبدیلیاں دے باوجود چین پاکستانی معاشی ترقی کیتے آپݨا غیرمتزلزل تعاون جاری رکھیسی ۔چینی روزنامے گلوبل ٹائمز دی اڄوکی رپورٹ دے مطابق ،نویں منتخب وزیر اعظم محمد شہباز شریف آپݨے خطاب اچ آکھیے جو او چین پاکستان اقتصادی راہداری (سی پیک )کوں بھرپور طریقے نال اودھارا ݙیسن جیڑھا جو بیلٹ اینڈ روڈ انیشیٹو دے تحت پاک چائنہ تعاون دا اہم منصوبہ اے، اے ریمارکس چین اتے پاکستان دے درمیان مضبوط دوستی دا واضح ثبوت اے،اے سی پیک تے ݙوہیں ملکاں دے وسیع تراقتصادی اتے تجارتی تعلقات بارے پالیسی دی غیر یقینی صورتحال دے حوالے نال کہیں وی قسم دی قیاس آرائیاں کوں ہٹاوݨ کیتے کافی ہن
