جھنگ ۔20فروری (اے پی پی):وزیر مملکت اطلاعات و نشریات فرخ حبیب اتوار کوں ڈسٹرکٹ ہیڈ کوار ٹر ہسپتال جھنگ دا دورہ کیتے تے اتھاں ہیلتھ کارڈ کاؤنٹر دی چیکنگ اتے مریضاں دے ریکارڈ دے جائزہ سودھے ہسپتال اچ داخل مریضاں دی عیادت اتے انہاں دے تیمارداروں نال ڳالھ مہاڑ کیتی ، ایں موقع تے انتظامی حکام، سی ای او ہیلتھ جھنگ ڈاکٹر منظور حسین، میڈیکل سپرنٹنڈنٹ ڈی ایچ کیو ہسپتال ڈاکٹر الطاف حسین بھوانہ، ایڈیشنل ایم ایس ڈاکٹر راؤ محمد ارشد، ڈپٹی میڈیکل سپرنٹنڈنٹ ڈاکٹر ارشد بشیر، ایڈمن آفیسر محمد ارشد اتے بئے حکام سودھے مختلف وارڈز دے ہیڈز وی موجود ہن ۔ وزیر مملکت اطلاعات ہسپتال اچ قائم ہیلتھ کارڈ کاؤنٹر تے ونڄ تے ہݨ تئیں داخل تھیوݨ آلے مریضاں دا کمپیوٹرائزڈ ڈیٹا چیک کیتا تے انہاں دیاں بیماریاں بارے معلومات ڳھدن ایں موقع تے ایم ایس اتے ٻئے حکام انہاں کوں نواں پاکستان قومی صحت کارڈ دے حوالے نال مریضاں کوں ݙتیاں ڳیاں سہولتاں بارے ݙسیا ۔
