اسلام آباد – 11 – ڊسمبر (اي پي پي) وزيراعظم محمد شهباز شريف چيو آهي ته سڄي دنيا جي جبلن کي موسمياتي تبديلي، ٻيلن جي واڍيءَ ۽ ٻين غيرپائيدار طرز عملن جا وڌندڙ چئلينجز درپيش آهن، اسان خيبرپختونخواهه ۽ گلگت بلتستان جي جابلو علائقن ۾ محفوظ ۽ موسمياتي تبديلي کي برادشت ڪرڻ جي سگهه رکندڙ ڪميونٽيز جي تعمير ڪري رهيا آهيون ??ه جيئن اسان جون ڪميونٽيز محفوظ به رهن ۽ ترقي به ڪن. جبلن جي عالمي ڏينهن جي موقعي تي پنهنجي پيغام ۾ وزيراعظم چيو ت?? اسان عالمي برادري سان گڏجي زمين تي جبلن ۽ انهن سان واڳيل لکين ماڻهن، جن جون زندگيون انهن شاندار منظرن سان ڳنڍيل آهن جي اهميت اجاگر ڪريون ٿا، الله تعاليٰ اسان جي پياري ملڪ کي درجنين برف پوش ۽ سرسبز ڊگهي چوٽين سان نوازيو آهي، اسان جي هي سرزمين دنيا جي 16 بلند ترين جابلو چوٽين مان 8 چوٽين جو مسڪن آهي. ڪي – ٽو دنيا جي ٻي بلند ترين چوٽي ۽ نانگا پربت دنيا جي نائين بلند ترين چوٽي کانسواءِ 7000 کان وڌيڪ گليشيئرز جيڪي قطبي خطن کان ٻاهر برف جو سڀ کان وڏو ذخيرو آهن، پاڪستان ۾ ئي موجود آهن. هن چيو ت?? جبل جن کي اڪثر دنيا جا ”واٽر ٽاورز“ چيو وڃي ٿو، مٺي پاڻي ۽ صاف هوا جهڙن ضروري وسيلن جو ذريعو آهن، سڄي دنيا جي جبلن کي موسمياتي تبديلي، ٻيلن جي واڍيءَ ۽ ٻين غيرپائيدار طرز عمل جا وڌندڙ چئلينجز درپيش آهن. وزيراعظم چيو ت?? هن سال جبلن جي عالمي ڏينهن جو موضوع ”جبلن جي پائيداري جي لاءِ حل – جدت، موافقت، نوجوان ۽ مستقبل“ گڏيل ڪوششن، مقامي دانش جي احترام ۽ جبلن جي تحفظ جي لاءِ پائيدار حل ڳولڻ ۾ نوجوانن جي فعا?? شموليت جي ياد ڏياري ٿو. هن چيو ت?? پاڪستان جبلن جي حفاظت جي لاءِ ڪيترن ئي ڏهاڪن کان ڪم ڪري رهيو آهي، ان سلسلي ۾ نيشنل مائونٽين ڪنزرويشن اسٽريٽجي کان وٺي ماحولياتي سياحت جي فروغ ۽ پائيدار ترقي جي هدفن تي ڌيان آهي. هن چيو ت?? موسمياتي تبديلي جي جديد حل جهڙوڪ ارلي واننگ سسٽمز، زمين جي ڪٽاءُ کي روڪڻ جي لاءِ بائيو انجنيئرنگ ٽيڪنيڪ ۽ ٻوڏ کان بچاءُ جي لاءِ پائيدار اڏاوتن جي ذريعي اسان خيبرپختونخواهه ۽ گلگلت بلتستان جي جابلو علائقن ۾ محفوظ ۽ موسمياتي تبديلي کي برادشت ڪرڻ جي سگهه رکندڙ ڪميونٽيز جي تعمير ڪري رهيا آهيون ??ه جيئن اسان جون ڪميونٽيز محفوظ به رهن ۽ ترقي به ڪن. هن چيو ت?? دنيا ۾ ڪجهه انتهائي بهترين جبلن ۽ چوٽين جي محافظ جي طور تي اچو اسان اڄ جي ڏينهن ان جي قدرتي ماحول جي حفاظت ۽ پنهنجي ايندڙ نسلن جي لاءِ انهن جي خوبصورتي کي محفوظ رکڻ جو عزم ڪريون.
